دہلی حج ہاؤس کی تعمیر کے امکانات روشن، دارالحکومت دہلی کے شایان شان ہوگا دہلی کا حج ہاؤس۔عمران حسین

دہلی میں نئے حج ہاؤس کی تعمیر سے متعلق حکومت دہلی کے وزیر خوراک و رسد، ماحولیات، جنگلات اور انتخابات جناب عمران حسین کے کانفرنس روم میں مورخہ10؍جنوری2017کو ایک اعلیٰ سطحی میٹنگ منعقد کی گئی۔جس میں وزیر موصوف جناب عمران حسین ،الحاج جناب محمد اشراق خان، چیئرمین دہلی اسٹیٹ حج کمیٹی و ایم ایل اے اور حج کمیٹی کے ممبران جناب نصرالدین سیفی، فیروزاحمد،ایگزکیٹو آفیسراشفاق احمد عارفی، ڈپٹی ایگزیکٹو



آفیسر محسن علی نیز حج ہاؤس کی تعمیر سے متعلق محکموں کے افسران ، اسپیشل سکریٹری (مالیات)، ڈائیریکٹر پلاننگ، ایگزیکٹو انجنیئر (PWD)اور شہری پلانر بھی موجود تھے۔اس اعلیٰ سطحی میٹنگ میں حج ہاؤس کی تعمیر کے لیے دوارکا سیکٹر22فیز 2میں الاٹ5000اسکوائر میٹر زمین پر راجدھانی دہلی کے شایان شان تمام تر جدید ترین سہولیات پر مشتمل حج ہاؤس کی تعمیر جلد از جلد مکمل کرنے کے لیے تمام تر متعلقہ محکموں کو ہدایات جاری کی گئیں۔